Օնլայն խորհրդատվություն - ԱՅԳ հոգեբանական ծառայությունների կենտրոն

Օնլայն խորհրդատվությունն այժմ լայնորեն տարածված խորհրդատվական ձևաչափ է, որը հնարավորություն է տալիս այցելուին, անկախ իր գտնվելու վայրից, կապ հաստատել հոգեբանի հետ և իրականացնել խորհրդատվական ամբողջական գործընթաց:

Խորհրդատվության անցկացման այս ձևաչափն ունի միայն իրեն հատուկ առանձնահատկություններ և առավելություններ՝

Գաղտնիության ապահովման բարձրագույն մակարդակ;
Այցելուի մոտ անվստահություն և ամոթխածություն առաջացնող գործոնների բացակայություն;
Տարածությունների և հեռավորության հաղթահարում: Եթե այցելուն ապրում է այլ քաղաքում, երկրում կամ ունի ֆիզիկական խնդիրներ, որոնք խոչընդոտում են նրա տեղաշարժի հնարավորությունը, ապա այցելուն կարող է առանց լքելու իր գտնվելու վայրը /տունը կամ աշխատանքի վայրը/ այցելել հոգեբանի աշխատասենյակ: Ինչպես նաև այցելուն հարկադրված չի լինի դադարեցնել խորհրդատվական գործընթացը կամ փոխել մասնագետին տեղափոխությունների ժամանակ /բնակության վայրը փոխելիս, աշխատանքային գործուղումների և այլնի դեպքում/:
Հանդիպումների ժամանակացույցի ճկունություն:

Մեր մասնագետների կողմից իրականացվող ՕՆԼԱՅՆ ԽՈՐՀՐԴԱՏՎՈՒԹՅՈՒՆ-ից օգտվում են աշխարհի տարբեր երկրներում բնակվող այցելուներ, այդ թվում՝ Ռուսաստանի Դաշնությունում, ԱՄՆ-ում, Ֆրանսիայում, Հոլանդիայում, Ուկրաինայում, Անգլիայում, Իտալիայում, Գերմանիայում, Ավստրիայում, Վրաստանում, Ճապոնիայում, Հունաստանում, Շվեդիայում, Դուբայում (ԱՄԷ), Լեհաստանում, Կանադայում, Նորվեգիայում, Անգոլայում, Ավստրալիայում, Ֆիլիպիններում, Չինաստանում:

Օնլայն խորհրդատվությունն իրականացվում է հայերեն, ռուսերեն, անգլերեն, իսպաներեն, ֆրանսերեն, արաբերեն, պարսկերեն լեզուներով, և օգտվողների աշխարհագրությունը շարունակվում է ընդլայնվել:

«ԱՅԳ» հոգեբանական ծառայությունների կենտրոնում օնլայն խորհրդատվություն իրականացնում են հետևյալ մասնագետները՝


Մարիա Թևոսյան	Անահիտ Շահատունի	Գոհար Լևոնյան	Ինգա Մուկուչյան

Մարգարիտա Սաղաթելյան	Իզապէլ Մաթոսեան	Սերգեյ Ղասաբյան	Նելլի Զարգարյան

Հայկ Խաչիկյան	Վերժինե Տեր-Գասպարյան	Լիաննա Ղազարյան	Ամիր Ղալէ