Կախվածություն և հոգեկան առողջություն․ Psyհարթակ

Եթե երբևէ մտածել ես՝ ինչպես է կախվածությունն ազդում ուղեղի վրա կամ ինչպես օգնել մարդկանց հաղթահարել այդ բարդ ճանապարհը, ապա Psyհարթակի մեր հաջորդ թեման հաստատ կհետաքրքրի քեզ։

«Կախվածություն և հոգեկան առողջություն» թեմայով մեզ հետ կլինի մեր հյուր մասնագետը՝ Փարիկ Բենլյանը

Ե՞րբ՝ 30․03․2026, ժամը՝ 19։00

Լեզուն՝ Անգլերեն (English)

Ծրագիր՝

 Ի՞նչ է կախվածությունը և ինչպե՞ս է այն ազդում ուղեղի վրա:

 Կախվածության և հոգեկան առողջության փոխկապակցվածությունը:

 Բուժման մոտեցումներն ու մարտահրավերները (ներառյալ Հայաստանի համատեքստը):

 Քննարկում և հարցուպատասխան

Psyհարթակի մեր բանախոսի մասին՝

Փարիկ Բենլյանը «Ամուսնական և ընտանեկան թերապիայի» նորավարտ մասնագետ է (Marriage and Family Therapy)։ Մասնագիտացված է կախվածությունների բուժման և վերականգնողական ծրագրերի մշակման մեջ՝ ունենալով խորհրդատվական աշխատանքի փորձ, որը ներառում է ճգնաժամային միջամտություններ, ապացուցողական թերապևտիկ մեթոդների կիրառում և հոգեկան առողջության համապարփակ աջակցություն։

Փարիկը թերապիայի հիմքում դնում է էմպաթիան ու անկեղծ կապը՝ օգնելով մարդկանց դառնալ սեփական կյանքի ակտիվ մասնակիցը

«Իմ նպատակն է քայլել անհատների կողքին, երբ նրանք բացահայտում են իրենց ուժեղ կողմերը, առերեսվում իրենց դժվարություններին և դառնում սեփական կյանքի ակտիվ մասնակիցը: Ես երախտապարտ եմ այս ոլորտում շարունակական ուսուցման և աճի հնարավորության համար և հանձնառու եմ մնում իմ մասնագիտական ծառայությունը մատուցել մարդկանց»

Հանդիպումը՝ առկա ձևաչափով