Ամփոփվեց ՈւՊԳԽ թեմայով դասընթացը
Մեր կենտրոնում ավարտվեց հոգեբանների համար նախատեսված հերթական կարևոր և սպասված մասնագիտական ծրագիրը՝ «Կոգնիտիվ վարքաբանական թերապիան ուշադրության պակասի/գերակտիվության խանգարում (ADHD) ունեցող երեխաների և դեռահասների հետ աշխատանքում» թեմայով։
Տարիների փորձի և գիտական խորության շնորհիվ տիկին Կարինէ Թահմասեանի հետ համագործակցությունը մեզ համար դարձել է որակյալ կրթության և մասնագիտական կայունության յուրահատուկ ավանդույթ։
Ի՞նչ ստացան մասնակիցները
Դասընթացի ընթացքում մասնագետները հնարավորություն ունեցան խորանալու ՈւՊԳԽ (ADHD) ախտորոշման նրբությունների մեջ՝ հիմնվելով DSM-5 չափորոշիչների վրա։ Ծրագիրը հագեցած էր գործնական նոր հմտություններով և ԿՎԹ (CBT) տեխնիկաներով, որոնք արդյունավետ են երեխաների և դեռահասների հետ ամենօրյա աշխատանքում։
Ավարտական հանդիպում և հավաստագրում
Դասընթացն ավարտվեց հավաստագրերի հանձնման հանդիսավոր արարողությամբ։ Վստահ ենք՝ մասնակիցները հեռացան ոչ միայն վկայականներով, այլև մասնագիտական այնպիսի «պաշարով», որը թույլ կտա ավելի վստահ և արդյունավետ օգնել ՈւՊԳԽ ունեցող երեխաներին հաղթահարելու առօրյա դժվարությունները։
Մեր կենտրոնը շնորհավորում է բոլոր մասնակիցներին և շնորհակալություն հայտնում Կարինէ Թահմասեանին՝ գիտելիքը նման բարձր որակով, նվիրումով և տարիների փորձի անփոխարինելի շերտերով փոխանցելու համար։