010 581814
«Այգ» հոգեբանական ծառայությունների կենտրոնը, Հայ-ռուսական (Սլավոնական) համալսարանը և Արցախում գրանցված «Էրուդիցիա» գիտահետազոտական-վերլուծական կենտրոնը համատեղ կազմակերպում են հոգեբանական աջակցության խմբեր՝ մասնագիտական աջակցություն ցուցաբերելու համար այն անձանց, ովքեր ներգրավված են Արցախից բռնի տեղահանվածների հետ տարվող տարբեր աշխատանքներում՝ կամավորներ, աջակից մասնագետներ, սոցաշխատողներ, հոգեբաններ և այլք։
Մեր աջակցությամբ մասնակիցները հնարավորություն կունենան հոգեբանորեն նախապատրաստվել և աշխատանքից հետո արդյունավետորեն լիցքաթափել առաջացած գերսթրեսային հոգեվիճակները, քննարկել հուզող բոլոր հարցերը։
Հանդիպումները տեղի կունենան ամեն երկուշաբթի ժամը՝ 18։30-ին։ Առաջին հանդիպումը տեղի կունենա սույն թվականի հոկտեմբերի 16-ին։
Մասնակցելու համար անհրաժեշտ է նախօրոք գրանցվել։ Գրանցվելու համար անցեք հղումով՝ https://forms.gle/7XMVdmTfSPbhUrPo6