Հոգեբանական գիտությունների թեկնածու, Պոզիտիվ հոգեթերապիայի մեթոդի սերտիֆիկացված հոգեթերապևտ (Վիսբադեն, Գերմանիա), գործնական հոգեբանության և անձնային աճի ոլորտի թրեյներ, սերտիֆիկացված լայֆ-քոուչ: Հանդիսանում է Առողջապահության համաշխարհային կազմակերպության (ԱՀԿ) «Հոգեկան առողջության ոլորտում առկա խնդիրների վերացմանն ուղղված գործողությունների ծրագրի ուղեցույց (mhGAP)՝ հոգեկան, նյարդաբանական և նյութերի օգտագործմամբ պայմանավորված խանգարումների դեպքում» ծրագրի սերտիֆիկացված թրեյներ:
Մասնագիտացում և փորձ.
- Հոգեբանական խորհրդատվություն (2002 թ.-ից)
- Հոգեբանական առարկաների դասավանդում (2000 թ.-ից)
- Անձնային աճի թրեյնինգների անցկացում (2006 թ.-ից)
- Անձնային զարգացման քոուչինգ (2011 թ.-ից)
Հեղինակային ծրագրեր.
Հանդիսանում է հետևյալ թրեյնինգային դասընթացների հեղինակը.
- «Հոգեսոցիալական աջակցության հիմունքները»
- «Հակասթրես՝ ուղի դեպի հաջողություն»
- «Մեդիտացիա՝ ներքին ազատություն»
- «Դիվանագետի արդյունավետ հաղորդակցություն»
- «Դիվանագետի արդյունավետ բանակցային գործունեություն»
- «Գործնական հոգեբանություն» և «Ազդեցության հոգեբանություն» հեղինակային դասընթացների հեղինակ և դասախոս:
Կապը Հայաստանի հետ.
Տարաս Վավրիկը շատ է սիրում հայ ժողովրդի մշակույթը և ջերմ զգացմունքներ է տածում Հայաստանի հանդեպ: 2014-2015 թվականներին բնակվել է Հայաստանում և աշխատել է որպես հոգեբան-խորհրդատու ու գործնական հոգեբանության թրեյներ «Այգ» հոգեբանական ծառայությունների կենտրոնում (ք. Երևան), որի հետ շարունակում է համագործակցել առցանց ձևաչափով:
Ներկայումս Տարասը բնակվում է Ֆրանսիայում, իրականացնում է խորհրդատվություններ և անցկացնում թրեյնինգներ առցանց՝ աշխարհի բազմաթիվ երկրներում: