Դասընթացը միտված է տյուտորական հմտությունների ձևավորմանը՝ զարգացման առանձնահատկություններ (ԱՍԽ, ՈՒՇՊՀ, խոսքի և հաղորդակցման դժվարություններ, սենսորային առանձնահատկություններ) ունեցող երեխաների հետ աշխատանքի համար։ Ծրագիրը համադրում է տեսական հիմքերը գործնական քեյսերի վերլուծության և վարժությունների հետ։
Ո՞ւմ համար է նախատեսված
Դասընթացը նախատեսված է հետևյալ խմբերի համար.
- Սկսնակ տյուտորներ, ովքեր աշխատում կամ պատրաստվում են աշխատել զարգացման առանձնահատկություններ ունեցող երեխաների հետ
- Ուսուցիչներ և կրթական օգնականներ, ովքեր ցանկանում են խորացնել իրենց մասնագիտական գիտելիքները
- Ծնողներ, ովքեր ցանկանում են ավելի լավ հասկանալ իրենց երեխայի վարքի պատճառները և աջակցության մեթոդները
- Հոգեբանության և հատուկ մանկավարժության ոլորտի ուսանողներ
Դասընթացի ծրագիրը
Մոդուլ 1. Ներածություն
- Տյուտորի դերն ու մասնագիտական սահմանները
- Էթիկա և գաղտնիություն
- Թիմային աշխատանք ծնողի և այլ մասնագետների հետ
Մոդուլ 2. Զարգացման առանձնահատկություններ
- Աուտիստիկ սպեկտրի խանգարում (ԱՍԽ)
- Ուշադրության պակասի և հիպերակտիվության համախտանիշ (ՈՒՇՊՀ)
- Խոսքի և հաղորդակցման դժվարություններ
- Սենսորային առանձնահատկություններ
Մոդուլ 3. Վարքային աջակցություն
- Վարքային դրսևորումների առաջացման պատճառները
- Դրական ամրապնդում և ցանկալի վարքի ձևավորում
- Դժվար վարքի կանխարգելման մեթոդներ
Մոդուլ 4. Ճգնաժամային իրավիճակներ
- Հուզական պոռթկումների (meltdowns) կառավարում
- Անվտանգության կանոններ
- Ծնողի և մասնագետի միջև կապի կազմակերպում
Մոդուլ 5. Գործնական աշխատանք
- Դիտարկման և գրանցումների մեթոդներ
- Օրվա պլանավորում
- Խաղերի և վարժությունների ընտրություն
- Իրական դեպքերի քննարկում
Մոդուլ 6. Պրակտիկա
- Դեպքերի վերլուծություն և դերային խաղեր
- Գործնական առաջադրանքներ
- Վերջնական գնահատում
Ի՞նչ արդյունք կտա դասընթացը
Դասընթացի ավարտին մասնակիցները կունենան.
- Զարգացման առանձնահատկությունների հոգեբանական հիմքերի ընկալում
- Աշխատանքային ուղեցույցներ և վիզուալ նմուշներ գործնական կիրառության համար
- Անկանխատեսելի իրավիճակներում ճիշտ արձագանքելու հմտություններ
- Օրվա և պարապմունքների պլանավորման կարողություն
Կազմակերպչական մանրամասներ
- Դասընթացավար՝ մանկական հոգեբան Անի Սարգսյան, սահմանափակ կարողություններ ունեցող երեխաների և դեռահասների հետ աշխատանքի 13 տարվա փորձով
- Տևողությունը՝ 8 հանդիպում
- Ձևաչափը՝ առկա («Այգ» հոգեբանական ծառայությունների կենտրոն, Մաշտոց 40)
- Խմբի առաջին հանդիպումը՝ հուլիսի 15, ժամը 19։00
- Արժեքը՝ 50,000 դրամ (առաջին 3 գրանցվողները ստանում են 10% զեղչ)
- Խմբի առավելագույն կազմը՝ 10 մասնակից
- Վկայական՝ երկլեզու վկայական դասընթացի ավարտին
- Գրանցում՝ գրանցման հղում
Կյանքի խնդիրներին և խոչընդոտներին դիմակայելու համար անհրաժեշտ կարողություններն ու հմտությունները լավագույնս ուսուցանվում են մանկության և պատանեկության տարիներին
Այս դասընթացի ընթացքում մանկական հոգեբանները սովորելու են, թե ինչպես վերջիններս կիրառել ՈւՊԳԽ (ADHD) ունեցող երեխաների հետ տարվող աշխատանքում:
Այս դասընթացի ընթացքում մանկական հոգեբանները սովորելու են, թե ինչպես կիրառել ԿՎԹ-ն երեխաների հետ տարվող աշխատանքում։
Դասընթացի նպատակն է՝ խորացնել և համալրել հոգեբանական խորհրդատվության և հոգեթերապիայի մասին գիտելիքները, կառուցել հոգեբանական խորհրդատվության գործընթացում կիրառվող մարդաճանաչման ընդհանուր մոդելը, ձևավորել խորհրդատվության հետ կապված երևույթների և խնդիրների վերլուծության, կառավարման, հոգեբանական խորհրդատվության կազմակերպման և իրականացման համար անհրաժեշտ հմտություններ և կարողություններ:
Դասընթաց հոգեբանությամբ հետաքրքրվողների համար: Դասընթացի մասնակիցները կծանոթանան հոգեբանության նորագույն հետազոտություններին, կճանաչեն հոգեկան երևույթները, իմացական գործընթացները, հոգեվիճակները, հատկությունները, հոգեբանական մեթոդների միջոցով կիրականացնեն ինքնաճանաչում, կստանան իրենց հուզող հարցերի պատասխանները, կբացահայտեն մարդու վարքի գաղտնիքները:
Պարաշարժողական թերապիայի դասընթաց այն մասնագետների համար, ովքեր աշխատում կամ պլանավորում են աշխատել ներառական ոլորտում
Դասընթացի արդյունքում մասնակիցները իրենց ստացած գիտելիքները հնարավորություն կունենան կիրառել աշակերտների հետ մասնագիտական կողմնորոշման ուղղությամբ աշխատելու ընթացքում, կտիրապետեն մի շարք պրակտիկ հմտությունների և մեթոդների։
EFT բացառիկ դասընթաց Հայաստանում՝ հոգեբանների և հոգեբանության ֆակուլտետում սովորող ուսանողների համար
Դասընթացը օգտակար է բոլոր նրանց, ովքեր ուզում են աշխատել կամ արդեն աշխատում են ընտանիքներում՝ որպես դայակ: Դասընթացի նպատակն է ձևավորել դայակի համար անհրաժեշտ մասնագիտական որակներ և հմտություններ: Դայակները ձեռք կբերեն առաջին բուժօգնության և հոգեբանամանկավարժական պատրաստվածություն:
Դասընթացի նպատակն է հարստացնել մասնակիցների գիտելիքները հոգեսեռական զարգացման, խանգարումների, սեռային նույնականացման, սեռերի հարաբերությունների, հոգեսեռական դաստիարակության վերաբերյալ, ձևավորել հոգեսեռական արդյունավետ դաստիարակության հմտությունները:
Դասընթացի նպատակն է խորացնել և համալրել ընտանեկան հարաբերությունների առանձնահատկությունների և դժվարությունների մասին գիտելիքները, ծանոթացնել ընտանեկան, զույգի խորհրդատվության առանձնահատկություններին, զարգացնել ընտանեկան փոխհարաբերություններում ծագող խնդիրների և դժվարությունների գնահատման և ախտորոշման հմտությունները...
«ԱՅԳ» հոգեբանական ծառայությունների կենտրոնը հանդես է գալիս նոր նախաձեռնությամբ՝ ՀՈԳԵԲԱՆԱԿԱՆ ԱՋԱԿՑՈՒԹՅԱՆ ԵՎ ՈՒՍՈՒՑՄԱՆ ԾՐԱԳԻՐ ԱՈՒՏԻԶՄ ՈՒՆԵՑՈՂ ԵՐԵԽԱՆԵՐԻ ՀԱՄԱՐ։
Այս դասընթացի ընթացքում մանկական հոգեբանները սովորելու են, թե ինչպես կիրառել ԿՎԹ-ն երեխաների հետ տարվող աշխատանքում, քանի որ այն ունի իր յուրահատկությունները՝ խաղերով ու հեքիաթներով։
Այս դասընթացի ընթացքում մանկական հոգեբանները սովորելու են,թե ինչպես կիրառել ԿՎԹ-ն երեխաների հետ տարվող աշխատանքում:
Դասընթացի նպատակն է նպաստել դպրոցում աշխատող լոգոպեդների մասնագիտական հմտությունների և որակի բարձրացմանը:
Դասընթացի նպատակն է` երեխաների և դեռահասների հոգեթերապիայի բնագավառում անհրաժեշտ ծավալով տեսական և գործնական գիտելիքներ փոխանցել մասնակիցներին, զարգացնել երեխաների հետ աշխատանքի համար անհրաժեշտ հմտությունները, որոնք համապատասխանում են կյանքի և մասնագիտության ժամանակակից պահանջներին: