Լոգոպեդական խորհրդատվությունը նախատեսված է բանավոր, գրավոր խոսքի խանգարումներ ունեցող երեխաների և մեծահասակների, ինչպես նաև նրանց ծնողների և հարազատների համար:
Լոգոպեդական խորհրդատվության հիմնական նպատակներն են.
- ախտորոշել խոսքի խանգարումը
- տեղեկություններ հաղորդել տվյալ խոսքային խանգարման վերաբերյալ (ախտանշանները, հետևանքները և այլն)
- հստակեցնել խոսքի խանգարման հաղթահարման ուղիները (լոգոպեդական, հոգեբանական, բժշկական և այլ միջամտություններ)
- կազմել լոգոպեդական աշխատանքի անհատական ծրագիր
Լոգոպեդական խորհրդատվության դիմում են հետևյալ խնդիրներով՝
- Թլվատություն (դիսլալիա)
- Կակազություն
- Ռնգախոսություն (ռինոլալիա)
- Աֆազիա (ձևավորված խոսքի կորուստ)
- Անխոսություն (ալալիա)
- Գրելու խանգարումներ (դիսգրաֆիա)
- Ընթերցանության խանգարումներ (դիսլեքսիա)
- Հնչյունահնչութային թերզարգացում (դիսլալիա, դիզարտրիա)
- Խոսքի ընդհանուր թերզարգացում
- Խոսքի զարգացման հապաղում
- Խոսքային շփումից հրաժարում (խոսքային նեգատիվիզմ)
- Ձայնի խանգարումներ և այլն:
ԽՈՍՔԸ երեխայի ընդհանուր զարգացման կարևոր ցուցանիշ է, որի հետ կապված
խնդիրները հետագայում կարող են դառնալ միջավայրի հետ շփմա
ն, հաղորդակցման, ճանաչողական և հուզակամային ոլորտների զարգացմանը խոչընդոտող գործոններ:
Առկա խոսքային խանգարումների ճիշտ և ժամանակին ախտորոշումը, ինչպես նաև անհրաժեշտ լոգոպեդական օգնությունը կապահովեն երեխայի հետագա ներդաշնակ զարգացումը:
Լոգոպեդական խորհրդատվության ժամանակ յուրաքանչյուր երեխայի համար կազմվում է անհատական ծրագիր՝ հաշվի առնելով երեխայի անհատական զարգացման և խոսքային խանգարման առանձնահատկությունները:
Լոգոպեդական աշխատանքի մեջ ակտիվ ներգրավվում են նաև ծնողները, ովքեր լոգոպեդի կողմից ստանում են սպառիչ տեղեկություններ խոսքի խանգարման, երեխայի հետ շփման առանձնահատկությունների, խոսքի զարգացմանը նպաստող մեթոդների մասին:
ԱՆՀՐԱԺԵՇՏ Է ԴԻՄԵԼ ԼՈԳՈՊԵԴԻՆ, ԵԹԵ ՁԵՐ ԵՐԵԽԱՆ՝
- 3-5 տարեկան հասակում դեռ չի խոսում
- Սխալ է արտաբերում որոշ հնչյուններ (5-5.5 տարեկանից հետո)
- Բառերի մեջ բաց է թողնում կամ աղավաղում է հնչյունները, կրճատում է բարդ բառերը (5 տարեկանից սկսած)
- Սկսել է կակազել
- Ունի կցկտուր խոսք, աղքատ բառապաշար, չի կարողանում հստակ ձևակերպել իր մտքերը, չի հասկանում շատ բառերի նշանակությունը
- Հրաժարվում է խոսքային հաղորդակցման մեջ մտնել շրջապատող մարդկանց հետ
Լոգոպեդական օգնության կարիք են ունենում ոչ միայն երեխաները, այլ նաև չափահաս անձինք: Լոգոպեդի ծառայությունը մեծահասակների համար անհրաժեշտ է լինում հիմնականում երկու դեպքում՝
- մանկության տարիքում դրսևորված խոսքային խնդիրները ժամանակին չշտկելու և ժամանակի ընթացքում դրանց ամրապնդվելու հետևանքով
- որոշ հիվանդությունների հետևանքով ի հայտ եկած խոսքային խանգարումների դեպքում;
Ցանկացած ԽՈՍՔԻ ԽԱՆԳԱՐՄԱՆ դեպքում որքան վաղ դիմեք մասնագետին, այնքան ավելի արագ և արդյունավետ կընթանա տվյալ խնդրի հաղթահարումը:
«ԱՅԳ» հոգեբանական ծառայությունների կենտրոնի լոգոպեդներ՝
 |
 |
| Լիաննա Ղազարյան | Շուշան Ավագյան |
Լոգոպեդի հետ հանդիպում նշանակելու համար հարկավոր է նախապես գրանցվել՝ պայմանավորվելով օր և ժամ: Իրականացվում է նաև լոգոպեդական օնլայն խորհրդատվություն: Գրանցման տարբերակներն են՝
- զանգահարել հետևյալ հեռախոսահամարներով՝ 010 58 18 14, 077 58 18 14, 096 58 18 14;
- ներկայացնել գրանցման հայտ www.hogeban.am կայքի «Գրանցվել խորհրդատվության» բաժնում;
- գրել նամակ info@hogeban.am էլ.հասցեին;
- այցելել «ԱՅԳ» հոգեբանական ծառայությունների կենտրոն: Հասցե՝ Մաշտոցի 40:
Աշխատանքային օրեր` երկուշաբթիից շաբաթ, ժամը`10:00 – 21:00
Ոչ աշխատանքային` կիրակի
Խոսքի խանգարումը հնարավոր է հաղթահարել նաև օնլայն լոգոպեդական միջամտությամբ,