Փորձաքննություն

Համագործակցելով մասնագիտացված հոգեբուժական հաստատությունների և լիցենզավորված հոգեբույժների հետ «Այգ» հոգեբանական կենտրոնում իրականացվում է`

Դատահոգեբանական փորձաքննություն /վարչական, քաղաքացիական և քրեական գործերով փորձաքննություն/
Համալիր դատահոգեբանա-հոգեբուժական փորձաքննություն,
Կողմերի պահանջով մասնագիտական կարծիքի տրամադրում (հոգեբան, հոգեբույժ), անհրաժեշտության դեպքում դատավարական գործընթացում մասնագետի ներկայության ապահովում:
Իրավապահ մարմիններում աշխատողների, փաստաբանների, դատական գործի կողմերի և գործին առընչվող այլ շահագրգիռ անձանց համար հոգեկան առողջության ոլորտին վերաբերվող հարցերով մասնագետի խորհրդատվություն։

Փորձաքննության ընթացքում գնահատվում է՝

Անձի՝ իր գործողությունների բնույթը և նշանակությունը գիտակցելու կարողությունը,
Իրադարձությունները ճիշտ ընկալելու, վերհիշելու և վերարտադրելու կարողությունը,
անձնային և անհատական-հոգեբանական առանձնահատկությունները (հուզական կայունություն, իմպուլսիվություն, ներշնչվողականություն և այլն ),
հոգեկան կամ հոգեբանական վիճակի ազդեցությունը վարքի վրա,
տրավմատիկ փորձի առկայությունը և դրա հետևանքները և այլն։

Փորձաքննությունն ապահովում է մասնագիտական անկախ և գիտականորեն հիմնավորված եզրակացություն, որը կարող է էական նշանակություն ունենալ անաչառ որոշում կայացնելու հարցում։

Հոգեբանական և հոգեբուժական փորձաքննությունը օգնում է՝

✔ հաստատել կամ բացառել հոգեկան խանգարումը,
✔ գնահատել պատասխանատվության ունակությունը,
✔ հասկանալ կոնֆլիկտային կամ բռնության դեպքերի հոգեբանական կողմերը,
✔ գնահատել երեխայի և ծնողի փոխհարաբերությունների հոգեբանական ռիսկերը,
✔ աջակցել դատարանին և կողմերին օբյեկտիվ որոշում կայացնելու գործում։

Հոգեբուժական փորձաքննությունը կատարվում Է քաղաքացիական և քրեական գործերով,

Քրեական գործերով կատարվում են՝

ա/ մեղադրյալի՝ արարքի նկատմամբ մեղսունակությունը որոշելու, սոցիալական վտանգավորությունը գնահատելու, բժշկական բնույթի հարկադրանքի միջոցի անհրաժեշտությունը և դրա տեսակը որոշելու նպատակով:

բ/ Տուժողների և վկաների դեպքում՝ ցուցմունք տալու ունակությունը, քննչական և դատավարական գործողություններին մասնակցելու կարողությունը և քրեադատավարական գործունակությունը որոշելու նպատակով:

Քաղաքացիական գործերով՝

ա/ Անձին անգործունակ /գործունակ ճանաչելու պահանջով գործերի դեպքում փորձաքննություններն իրականացվում են անձի՝ իր գործողությունների նշանակությունը հասկանալու և դրանք ղեկավարելու կարողությունը որոշելու համար:

բ/ Գործարքն անվավեր ճանաչելու պահանջով գործերի դեպքում փորձաքննություններն իրականացվում են անձի՝ գործարք կնքելու պահին իր գործողությունների նշանակությունը հասկանալու և դրանք ղեկավարելու կարողությունը որոշելու համար:

գ/ Ընտանեկան գործերով դատահոգեբանական փորձաքննությունները նշանակվում և իրականացվում են՝ ծնողական իրավունքի իրականացման առանձնահատկությունները գնահատելու, երեխայի բնակության վայրը որոշելու համար անհրաժեշտ հոգեբանական գործոնները պարզելու, ինչպես նաև երեխայի և ծնողներից յուրաքանչյուրի միջև շփման (տեսակցությունների) կարգը և ժամանակացույցը սահմանելու նպատակով։

«Այգ» հոգեբանական ծառայությունների կենտրոնում փորձաքննություն իրականացնում են հետևյալ մասնագետները՝