Առաջարկ սկսնակ մասնագետներին և ուսանողներին

«ԱՅԳ» հոգեբանական ծառայությունների կենտրոնը հնարավորություն է ընձեռում սկսնակ մասնագետներին և ուսանողներին՝ «Հոգեբանական ակումբի» շրջանակներում հանդես գալու որպես խմբավար։ Ակումբում կարող եք ներկայացնել Ձեր մասնագիտական հետաքրքրությունների շրջանակներում ցանկացած թեմա, որի վերաբերյալ ունեք բավականաչափ գիտելիքներ, փորձ կամ կատարել եք որոշակի հետազոտություններ և դրանց արդյունքների մասին ցանկանում եք խոսել լսարանի հետ։

Հոգեբանական ակումբը հիանալի հարթակ է ոլորտում առաջին քայլերն անող հոգեբանների համար մասնագիտական ինքնաներկայացման, ինքնադրսևորման, խմբավարական հմտություններ ձեռք բերելու և զարգացնելու, համագործակցային կապեր հաստատելու համար։

Հոգեբանական ակումբի հանդիպումներն անցկացվում են պարբերաբար՝ ըստ նախապես հայտարարված թեմայի և ամսաթվի։ Թեմայի շրջանակներում հոգեբան-խմբավարը ակումբի մասնակիցներին հաղորդում է անհրաժեշտ գիտելիքներ, կազմակերպում է հոգեբանական խաղեր, վարժանքներ, իրականացնում տարբեր իրավիճակների և օրինակների վերլուծություն: Ազատ ձևաչափով ընթացող քննարկումներին մասնակցողներն անկաշկանդ արտահայտում են իրենց տեսակետը, վերաբերմունքը, ներկայացնում են սեփական փորձը, քննարկում և բանավիճում մյուս մասնակիցների հետ:

Հոգեբանական ակումբին մասնակցությունը (թե որպես հոգեբան-խմբավար, թե որպես ակումբի մասնակից) ԱՆՎՃԱՐ Է:

Հոգեբանական ակումբում թեմա ներկայացնելու համար Ձեր ինքնակենսագրականը և ներկայացվելիք նյութի հակիրճ բովանդակությունը ուղարկեք info@hogeban.am հասցեին։ Կենտրոնի մասնագիտական խմբի քննարկումից և հաստատումից հետո ակումբային հանդիպման անցկացման օրն ու ժամը կհամաձայնեցվի Ձեզ հետ։
Հեռ․՝ 010 58 18 14, 077 58 18 14, 096 58 18 14։
Հասցե՝ Մաշտոցի 40։


Warning: Undefined variable $aria_req in /home2/hogeban/public_html/wp-content/themes/hogeban_24/comments.php on line 60

Թողնել մեկնաբանություն

This site uses Akismet to reduce spam. Learn how your comment data is processed.