Վանաձորյան մասնաճյուղի բացումը
Հոկտեմբերի 7-ին Վանաձոր քաղաքում տեղի ունեցավ «ԱՅԳ» հոգեբանական ծառայությունների կենտրոնի Վանաձորի մասնաճյուղի բացման արարողությունը: Բացմանը ներկա էին «ԱՅԳ» հոգեբանական ծառայությունների կենտրոնի հիմնադիր նախագահ Վ․ Մելքոնյանը, տնօրեն Մ․ Մելքոնյանը, հոգեբանական խորհրդատվության և հոգեթերապիայի բաժնի ղեկավար Մ․Թևոսյանը, ծրագրերի իրականացման բաժնի համակարգող Ա․Գասպարյանը, հոգեբան-հոգեդրամատիստ Մ. Նազարյանը, հոգեբան -խորհրդատու Գ . Լևոնյանը, հոգեբաններ Ն. Զարգարյանը, Է. Հովակիմյանը, Վանաձորի պետական համալսարանի Հոգեբանության և սոցիոլոգիայի ամբիոնի դասախոսներ Վ․ Ղույումչյանը, Տ.Մալումյանը, գործող հոգեբաններ՝ Ն. Հովհաննիսյանը, Ա. Գալստյանը, դպրոցների, մանկատան հոգեբաններ՝ Մ. Մուրադյանը, Ա. Օհանյանը և մի շարք ուսանողներ:
Կենտրոնը ղեկավարելու է հոգ. գիտ. թեկնածու, դոցենտ Վ. Միրզոյանը, ով շուրջ 15 տարի դասախոսում է ՎՊՀ-ում, անցել է վերապատրաստման դասընթացներ գեշտալտ թերապիայից, հոգեդրամայից, մասնակցել է մի շարք միջազգային գիտաժողովների, ունի տպագրված գիտական հոդվածներ և մենագրություն:
Կենտրոնի բացումը Վանաձորում մեծ ոգևորություն առաջացրեց հատկապես հոգեբանների շրջանում: Կենտրոնում կիրականացվեն տեսագործնական դասընթացներ, սեմինարներ, անհատական և խմբային աշխատանքներ այցելուների հետ:
Տարիների աշխատանքային փորձը ցույց է տվել, որ կոմպետենտ մասնագետ, հոգեբան դառնալու համար բավարար չէ ունենալ միայն տեսական գիտելիքներ: Կենտրոնը հնարավություն կտա և´ հարստացնել տեսական գիտելիքները, և´ ձեռք բերել գործնական հմտություններ և կարողություններ: Բացի այդ կենտրոնի մասնագետները աշխատանքներ կիրականացնեն տարբեր տարիքային խմբերի մարդկանց հետ, ովքեր ունեն հոգեկան առողջության հետ կապված խնդիրներ, դեպրեսիա, վախեր, տագնապներ, պանիկ գրոհներ, աուտիզմ, ՀԶՀ և այլն:
Այսպիսով, կենտրոնն աշխատանքներն իրականացնելու է երկու հիմնական ուղղություններով.
1․տեսագործնական դասընթացների միջոցով գիտելիքների և պրակտիկ փորձի փոխանցում ուսանողներին, մագիստրոսներին, սկսնակ մասնագետներին
2․հոգեբանական խորհրդատվություն և հոգեթերապևտիկ աշխատանքներ ազգաբնակչության հետ
Կենտրոնի հասցեն է՝ ք․Վանաձոր, Տիգրան Մեծի 41/11
Հեռախոսահամար՝ 093 35 74 44
