Կյանքի հմտությունների ուսուցման կարևորությունը

Այս ժամանակահատվածում երեխաները բախվում են կարևոր փոփոխությունների ֆիզիկական, հոգեբանական և սոցիալական բոլոր հարթություններում, արդյունքում ավելի խոցելի են, քան ցանկացած այլ տարիքում։ Նրանք ավելի արդյունավետ և հարմարվողական հաղթահարման հմտությունների կարիք ունեն:

Այսօրվա սոցիալ մշակութային խորը և արագ փոփոխությունները երեխաներին ու դեռահասներին կանգնեցրել են տարբեր և շատ ավելի բարդ մարտահրավերների առաջ, և դա այն դեպքում, երբ նրանք չունեն այդ փոփոխություններին դիմակայելու և հարմարվելու, դրանք հաղթահարելու համար անհրաժեշտ հմտություններ: Հետևաբար, երեխաների եւ դեռահասների հոգե-սոցիալական առողջությունը կախված է մի շարք հմտությունների և կարողությունների ուսուցումից, որոնք օգնում են նրանց արդյունավետորեն հաղթահարել զարգացման շրջանի տարբեր խմորումներն ու մարտահրավերները, ինչպես նաև ապահովել առօրյա կյանքում նրանց օգնելու և հարմարվելու միջոցներ: Նրանց սովորեցնել ընդունել իրենց պարտականությունները, սոցիալական դերը, արդյունավետ գործել ներանձնային և միջանձնային հարբերություններում:

Այդ նպատակով Առողջապահության համաշխարհային կազմակերպությունը (WHO) ՅՈՒՆԻՍԵՖ-ի հետ համատեղ առաջ է քաշել կյանքի հմտությունների ծրագիրը՝ երեխաներին և դեռահասներին առօրյա կյանքի մարտահրավերներին դիմակայելու և հոգեսոցիալական վնասվածքները կանխելու հնարավորություն տալու համար:

Այս ծրագրի տրմաբանությունն այն է, որ կյանքի խնդիրներին և խոչընդոտներին դիմակայելու համար անհրաժեշտ կարողություններն ու հմտությունները ուսուցանվող հմտություններ են, որոնք լավագույնս ուսուցանվում են մանկության և պատանեկության տարիներին:

Այս հմտությունները փոխանցելու համար շուտով «Այգ»-ում կմեկնարկի կյանքի հմտությունների ուսուցման (life Skills Training) դասընթացը երեխաների և դեռահասների հետ աշխատող մասնագետների համար: