Պայմանավորված այցելուի խնդրի բնույթով և նրա սպասումներով, ինչպես նաև հոգեբան/հոգեթերապևտի տեսական ուղղվածությամբ՝ հոգեբանական խորհրդատվության նպատակները կարող են տարբեր լինել, սակայն ընդհանրացնելով, կարելի է թվարկել հետևյալը՝
- Նպաստել այցելուի անձնային աճին, ներքին ռեսուրսների բացահայտմանը, ներուժի զարգացմանը,
- Օգնել այցելուին՝ հասկանալու իր խնդրի իրական պատճառները, ձեռք բերել հուզական հավասարակշռություն, մշակել խնդրի լուծման արդյունավետ տարբերակներ,
- Զարգացնել դժվարությունների հաղթահարման հմտություններ, կյանքի մարտահրավերներին դիմակայելու և փոփոխվող պայմաններին հարմարվելու կարողություն,
- Բարելավել այցելուի հաղորդակցման, շփման հմտությունները, միջանձնային դրական փոխհարաբերությունների հաստատման և կոնֆլիկտների կառուցողական լուծման կարողությունը,
- Նպաստել այցելուի հոգեբանական բարդույթների, վախերի հաղթահարմանը, բարձրացնել սթրեսադիմացկունությունը՝ ձեռք բերելով սթրեսի և հուզական վիճակների կառավարման, ինքնակազմակերպման և ինքնակարգավորման հմտություններ,
- Ձեռք բերել կյանքի կարևոր որոշումներ ընդունելու և ինքնուրույն գործելակերպի մշակման կարողություն, ժամանակն ու էներգիան ճիշտ կառավարելու հմտություն,
- Նպաստել այցելուի վարքի դրսևորումների փոփոխմանը, դարձնել դրանք առավել ճկուն և արդյունավետ,
- Հաստատել սեփական անձի և միջավայրի հետ ներդաշնակություն, ձեռք բերել դրական ինքնազգացողություն և ինքնավստահություն, ձևավորել կյանքի հանդեպ առավել իրատեսական մոտեցում:
- Ե՞ՐԲ Է ՀԱՐԿԱՎՈՐ ԴԻՄԵԼ ՀՈԳԵԲԱՆԻՆ Հոգեբանական աջակցության անհրաժեշտություն կարող է ունենալ յուրաքանչյուր մարդ իր կյանքի ցանկացած փուլում: Հոգեբանին դիմելու որոշումը կարող է պայմանավորված լինել ամենատարբեր հանգամանքներով:
- ՀՈԳԵԲԱՆԱԿԱՆ ԽՈՐՀՐԴԱՏՎՈՒԹՅԱՆ ՏԵՍԱԿՆԵՐԸ ԱՆՀԱՏԱԿԱՆ ԽՈՐՀՐԴԱՏՎՈՒԹՅՈՒՆ – այն համարվում է հոգեբանական աջակցության ամենատարածված և հիմնական ձևաչափը: Այժմ հայտնի են անհատական խորհրդատվության շատ տարատեսակներ, որոնք քիչ թե շատ հիմնվում կամ հատվում են հիմնական հոգեբանական/ հոգեթերապևտիկ ուղղությունների հետ, ինչպիսիք են...