«ՊԱՐԱՇԱՐԺՈՂԱԿԱՆ ԹԵՐԱՊԻԱ» ԹՐԵՅՆԻՆԳ - ԱՅԳ հոգեբանական ծառայությունների կենտրոն

Պարաշարժողական թերապիան /ՊՇԹ/ արտ-թերապիայի ճյուղ է: Այն իրենից ներկայացնում է թերապիայի մի տեսակ, որի ժամանակ մարդու ինքնարտահայտումը բերում է հոգեբանական խնդիրների հաղթահարմանը: Այս թրեյնինգին կարող են մասնակցել ինչպես հոգեբան-մասնագետները, այնպես էլ բոլոր հետաքրքրված անձինք:

Պարաշարժողական թերապիայի հիմնական խնդիրն է պարի միջոցով ավելի լավ ճանաչել սեփական հույզերն ու մարմինը, թոթափել լարվածությունը:

Թրեյնինգի տեսական մասը ներառում է.

ՊՇԹ-ի հիմնական դրույթները
Գաբրիել Ռոտի մեդիտացիայի շարժման և պարի «5 ռիթմերը»
Ալեքսանդր Գիրշոնի պարային թերապիայի դպրոցի տեխնիկաները
Մարի Ուիգմանի, Մերիոն Չեյսի, Ռուդոլֆ Լաբանի մոտեցումները պարային թերապիայում
Աուտենտիկ շարժումներ, կոնտակտային իմպրովիզացիա
Ախտորոշումը ՊՇԹ-ում

Պարաշարժողական թերապիայի /ՊՇԹ/ հնարավորությունները`

Աշխատանք մարմնի, շարժումների և հույզերի հետ, ճնշված հույզերի և թաքնված կոնֆլիկտների դուրս բերում
Ինքնագնահատականի բարձրացում` առավել դրական կերպարի զարգացման միջոցով
Շարժումների և հույզերի միջև կապի հաստատում, սեփական հուզական ոլորտի աշխարհի բացահայտում
Սեփական մարմնի` որպես հույզերի արտահայտման միջոցի ուսումնասիրման հնարավորություն, մարմնի գիտակցման խորացում և ընդարձակում
Աուտենտիկ շարժումներ և կուտակված էներգիայի դուրս բերում
ՊՇԹ-ն նպաստում է կոգնիտիվ, էմոցիոնալ հոգեկան ոլորտների, ինչպես նաև սոցիալական, ֆիզիկական գործունեության զարգացմանը
Օգնում է մարդկանց վերապրելու, գիտակցելու և արտահայտելու իրենց հույզերն ու զգացմունքները
Պարային հոգեթերապիան հատկապես արդյունավետ է շփման խնդիրներ ունեցող անձանց համար, հոգեսոմատիկ հիվանդությունների, նևրոզների, դեպրեսիայի, հետտրավմատիկ սթրեսային խանգարումների և այլ խնդիրների դեպքում
Շարժողական ոլորտի խնդիրների և հուզական ոլորտի դիագնոստիկա

Թրեյնինգի տևողությունը՝ 12 ժամ, հանդիպումները` շաբաթական 1 անգամ, 2 ժամ տևողությամբ:

Վարող` կլինիկական հոգեբան Վերժինե Տեր-Գասպարյան:

Թրեյնինգի ավարտին «ԱՅԳ» հոգեբանական ծառայությունների կենտրոնի կողմից մասնակիցներին տրվում է երկլեզու (հայերեն, անգլերեն) վկայական:

Մասնակիցների քանակը՝ 6-12

Ռուսալեզու խումբ հավաքվելու դեպքում՝ դասընթացը կարող է անցկացվել նաև ռուսերեն լեզվով:

Թրեյնինգին գրանցվելու կամ մանրամասներին տեղեկանալու համար զանգահարեք հետևյալ հեռախոսահամարներով՝ 010 58 18 14, 077 58 18 14, 096 58 18 14:

Հասցե՝ Մաշտոցի 40:

Էլ.փոստ՝ info@hogeban.am

Թողնել մեկնաբանություն Մերժել պատասխանը